http://2.bp.blogspot.com/-Y22luUp-Tdk/UmcjVA_IFnI/AAAAAAAAAKM/WnTiQHtj6D8/s1600/Card.jpg

http://2.bp.blogspot.com/-Y22luUp-Tdk/UmcjVA_IFnI/AAAAAAAAAKM/WnTiQHtj6D8/s1600/Card.jpg

الثلاثاء، 30 مارس، 2010

مقال الناقد الصحفى اسلام حامد فى جريده المصرى اليوم


مقال الناقد الصحفى اسلام حامد فى جريده المصرى اليوم
فله منى ومن محبى عصام جزيل الشكر

عصام عبدالله .. الأغنية بمساحة مليون كيلو متر مربع

فى ذكراه الـ ١٤: عصام عبدالله .. الأغنية بمساحة مليون كيلو متر مربع

كتب إسلام حامد


منير مع عصام عبدالله فى زفافه

هذا الشهر، مرت الذكرى الرابعة عشرة لرحيل الشاعر عصام عبدالله (١٤ أكتوبر ١٩٥٥ – ٢١ مارس ١٩٩٦)، وكالعادة، لم يذكره أى من وسائل الإعلام ولو بخبر، باستثناء احتفالية صغيرة فى مكتبة الشروق تحت عنوان «سحر المغنى» أقامها بعض أصدقائه ومحبى أغنياته وأسرته، وحضرتها المطربة سيمون والشاعر إبراهيم عبدالفتاح، وتم الإعلان فيها عن التحضير لتصوير فيلم تسجيلى طويل باسم «البحث عن عصام عبدالله» إخراج ياسر نعيم.

لم يكن عصام مهتما بالإعلام، ولم يكن موهوما بالشهرة، بل كان مهتما بالشعر والأغنية والكتابة التى كان يعيشها كل لحظة، كما لم يكن مهتما بجمع ما يكتبه فى ديوان أو على الأقل فى أوراق يحتفظ بها ليقول فى التليفزيونات: «أنا أملك مشروعا لتحسين اللغة الشعرية فى الأغنية»، فهو لم يحتفظ بنص أى أغنية كتبها لأن اهتمامه كان منصبا فقط على كتابتها،

ورغم ذلك، كان بالفعل يملك مشروع ثورة غير عادية فى الأغنية، فهو أكثر شاعر طور الأغنية فى كل ما كتبه حتى فى كتابته للأطفال، لدرجة أن صلاح جاهين قال عنه: «عصام هو مستقبل الشعر والأغنية فى مصر»، فقد ألغى الفواصل بين القصيدة الشعرية والأغنية، وبين العامية والفصحي، واستخدم كل اللهجات المصرية فى أغنياته (البدوية بأشكالها والفلاحى والصعيدية والبحراوية) بل دمجها فى بعض الأغنيات، كما مزج الموضوعات السياسية بالإنسانية وأطاح بكل التصنيفات الفنية، وانتصر للمعنى والصورة على جماليات التفعيلات الشعرية والقوافى،

والأهم أنه أدخل فنونا أخرى فى الأغنية مثل القصة والسينما والموشح والفانتازيا والتحليل الساخر أيضا، بل كان حريصا على كتابة تفاصيل الحالة النفسية ومنمنماتها فى أغانيه، وحتى عندما تناول موضوعات مكررة فى الأغنية المصرية، كتبها كأنها تقدم لأول مرة لأنه كان أعمق فى توضيح تفاصيلها، وقد كشفت أغنيات عصام «سطحية» شعراء كثيرين اشتهروا وأصبحوا نجوما، بل كشفت ضعف مفرداتهم ومصادر كتاباتهم وقصور خيالهم، ورغم ذلك لم يحتف به الإعلام، ولم تكتب عنه الصحافة سوى ٣ مرات فقط منها خبر وفاته.

بدأ عصام كتابة الأغنية فى أواخر السبعينيات، وكانت الحالة العامة للغناء تشبه عجوزا يرتدى بدلة كلاسيكية قديمة ومهلهلة (أغنيات النجوم المعروفة وكانت عن الحب والهجر فقط إلا قليلا)، بينما يجلس فى فرح شعبى مزعج (أغنيات عدوية وكتكوت الأمير التى نشرتها طبقة الأغنياء الجدد)،

فى حين يمر بجواره كل فترة شباب يقلد الأجانب (بداية ظهور الفرق الغنائية كان معظمها يغنى بالإنجليزية)، هذه الحالة جعلت عصام يبحث عن أرض فضاء، يبنى عليها دولة غنائية مبهرة تخصه هو ولا تشبه أيا من أشكال الغناء المعروفة، أساسها التراث المصري، فهو مولود فى الفيوم وتأثر بأغنيات البدو هناك، والتى كانت تكفى لتجعله شاعرا مميزا بمجرد استخدام مفرداتها الغريبة مثل شعراء كثيرين أتوا من المحافظات واشتهروا، لكنه لم يكتف بها، وتنقل وراء التراث فى كل مكان فى مصر، وكان يعيش مع صانعيه حتى يتشبع بهم وبمفرداتهم وبطرق كتاباتهم، أى أنه هضم مفردات التراث المصرى والفلكلور الشعبى «الأصيل»،

كما قرأ الشعر العربى الفصيح والعامى (بدأ بكتابة الفصحى)، وبنى دولته من أرواح كل هذه الأشكال والفنون وأضاف إليها تركيباته وصوره وألوانه الخاصة، لذلك مفرداته ممتدة من وإلى كل أنحاء مصر، والأجمل أنه كان يكتب بيد خيالية تصافح تفاصيل الطبيعة بقوة ونعومة وبساطة، بل اخترع علاقات جديدة وعميقة بين الإنسان والبيئة من حوله، وهو من النادرين الذين عند سماع كلماتهم يتحرك العقل والمشاعر معا، ومعهما الدهشة من تركيبة الجملة والصورة، فهو أهم «حبة» فى «عقد» الذين كتبوا الأغنية التى تترك شلالا من الأفكار والمشاعر، وتحفز من يسمعها للتعامل مع الحياة بشكل إيجابى، فقد كان ينتصر فى أغنياته دائما للحياة والاستمرار فيها وعدم الاستسلام.

فى عام ١٩٨٥، أصدر على الحجار ألبوما ضم أغنية صادمة اسمها «فى قلب الليل»، وهو نفس اسم الألبوم، كتبها عصام عبدالله ولحنها ووزعها الرائع مودى الإمام، والتى تسببت فى حالة من الذهول عند كل من يعمل أو يهتم بالأغنيات، وهى تعتبر أقصى تطور لكتابة الأغنية فى مصر، فقد جمعت كل أشكال الكتابة تقريبا، القصة القصيرة، ومفردات الفصحى، والسيناريو السينمائى مكتمل السرد دقيق الكادرات، والعقدة المسرحية المعروفة، وربط الإنسان بمفردات البيئة من حوله وعلاقته بها، كما تحتوى على كل المشاعر والمعانى الإنسانية، الخوف، والوفاء، والفرح، والأمل، والخيانة، والكبرياء، والتعلم من التجربة، والضعف، والصداقة، والوحدة، والحرية، وتصلح لكل أنواع التأويل والتحليل السياسى والاجتماعى والعاطفي، والقدرى أيضا، كل ذلك بصوت الحجار وهو الوحيد الذى توجد فيه مساحات تستوعب حجم دولة عصام الشعرية:

«فى قلب الليل/ وعزف الصمت متهادى كموج النيل/ فى قلب الليل/ وبرد الخوف بيتكتك سنان الخيل/ وما فى حد ف الشارع/ سوى مهر اتربط جازع/ ف شجرة سنط/ وانا والصمت/ وبرد الليل/ وخوف الليل/ وصهل المهر لم افهم/ أخوف منى أم اتعاجب/ سألت المهر لم يفهم/ كلام منى ولا جاوب/ وكان ف عنيه برىء ننى/ كأنه كان بيسألنى/ وقفت انظر له ينظر لى/ وانظر له وينظر لى/ ولما صار كما خلى/ فتحنا أبواب حكاوينا/ وتوهنا فى أغانينا/ وكان فى جيده قيد جارحه/ وقيد فى جيدى ما لمحه/ لكن حاسه/ أكيد حاسه/ وفجأة لقينا أحلامنا/ وصهل الفجر ف عيونا/ مسكت قيوده فكتها/ صهل بمعانى حسيتها/ وصار يجرى وينسانى/ وأنا بجرى ف طريق تانى/ وبعد كتير/ ف ليل تانى/ لقيته لوحده من تانى/ ف جيده وايده قيد تانى/ صهل تانى/ ماردتشى/ وباقى لوحدى انا بمشى/ ف برد الليل وخوف الليل وحزن الليل».

عدد كبير من المطربين غنى من كلمات عصام منهم محمد منير (سحر المغنى- الطول واللون والحرية – حتى حتى- ووه بابا- لو بطلنا نحلم نموت)، وعلى الحجار (فى قلب الليل- كان إحساسى صحيح- بلادى- لحظة ممكنة- روحى فيكى تروح)، وعمرو دياب (أشوف عنيكى- بحب الحياة- المدينة- وقت وعشناه- عصافير الحب)، ومحمد فؤاد (بعت الصبح مرسالى- صابر- عاش الطب- غرقان لشوشتي- نحب بجد)، وأنغام (من بعيد- وحدانية)، وسيمون (عاوزة أصرخ- أحب اقولك)، ولبلبة (جدا جدا- انت وانا- انا قلبى حر)، وعبدالمنعم مدبولى (البطة- دا دا- ح يجننونى)، وإيمان البحر درويش (عرفتينى)، ولطيفة (تروح وترجع)، وحنان (حبة عيال مجانين)، ومودى وحسين الإمام (و ماله- ازى الصحة- حاجه تانية- مالك- ودعى المكان- شىء جديد- المجهول- دق)، ومحمد الحلو (يابوى يا مصر) وآخرون، وكتب أغانى أفلام «أنياب» إخراج محمد شبل و«الحب فى التلاجة» إخراج سعيد حامد و«الأقزام قادمون» إخراج شريف عرفة، كما كتب عدداً كبيراً من الإعلانات فى الثمانينيات.

السبت، 27 مارس، 2010

كليب جميل عن عصام

لاول مره كليب جميل من اعداد الصديق محمد ياسر
عن شاعرنا الجميل عصام عبد الله تم اعداد هذا الكليب لعرضه
فى الاحتفاليه التى اقيمت فى ذكرى شاعرنا الكبير فى مكتبة دار الشروق
فى 22 مارس 2010
يحتوى الكليب على مجموعه نادره من صور عصام من فترات
مختلفه فى حياته ولعل من اندر الصور
صور حضور محمد منير ومودى الامام حفل زفاف
شاعرنا الكبير وايضا يوجد بالكليب صوره تاريخيه
فى رائى تجمع عصام برفيق عمره الموسيقار كامل الشريف
رحمه الله عليه وعلى شاعرنا الجميل
واخيرا كل الشكر لاسره شاعرنا الكبير لتوفير كل هذه
الصور النادره لمحبى عصام

الكليب

video

الجمعة، 26 مارس، 2010

عصام عبد الله وانا

الى روح الشاعر المتفرد عصام عبد الله اهدى له مدونتى
المتواضعه وهى تعبير بسيط عن حبى لشعره واعماله
حكايتى مع عصام تبتدى من نص الثمانينات من القرن الماضى
واحد بحب المزيكا والشعر والاغانى وبحب اسمع كلمات الاغانى
واعرف اسم الشاعر المتميز ومن هنا جت معرفتى لعصام
ابتديت اتابع كل اعماله اكتشفت انى قدام شاعر
ملوش مثيل مختلف مش شبه اى حد
وجنب كتاية الشعر والاغانى كان عصام من رواد العمل الاعلانى
كان بيكتب الاعلانات سواء اغانى او ديلوج مقروء
ومن هنا وعن طريق صديق مشترك كان التعارف مكالمة تليفون
واحده بينا عبرت من خلالها عن انبهارى بشعره واسلوبه الفريد
وهو كان فى قمة السعاده لان فى حد عارف وحافظ كل اعماله
وفى اخر المكالمه قالى الكلام فى التليفون مش حينفع لازم نتقابل
وكان وعد بلقاء مع الاسف لم يتم
ومن وقتها وان بحزن جدا لان عصام ما حصلش على التقدير المناسب
اللى يتساوى وموهبته وان شاء الله ححاول انى انشر
ما تصل يدى اليه من اعمال عصام
وارجو من كل من يشرفنى بالزياره للدعاء لعصام بالرحمه

مقال الصديق محمد عطيه

عصام عبد الله
من افضل شعراء الاغنيه فى مصر
للاسف لم يكن مشهورا بنفس قوه شعره
عصام عبد الله ممكن نقول عليه شاعر ذو لغه شعريه متميزه ومختلفه عن بقيه الشعراء
متفرد فى اللهجات يستطيع الكتابه بكل اللهجات الفلاحى والصعيدى والبدوى وحتى اللغات السواحليه
شهرته ما كنتش بشهره اغانيه رغم انه كان شريك اساسى فى نجاح بعض المطربين
من الشعراء الذين يكتبون الشعر بحريه مطلقه يمكن ده شجعه على النزول الى سوق الغناء بمفردات مختلفه مع تجارب مختلفه مثل تجاربه الرائعه مع فرقه المصريين
كتب لمحمد فؤاد وعمرو دياب وفرقه الاصدقاء وعلى الحجار
عصام عبد الله مولود فى بدوالفيوم يعشق اللهجات العربيه بكل الوانها
يكتب بلغه صعب تحديد لهجاتها يستطيع ان يهجن الكلمات لتخرج لنا باورع صوره لا تدرى ان كانت من شمال مصر او من جنوب السودان او من قبائل الجزائر
نجد ذلك فى اغانى ( ووه بابا – منير ) ( قلب الليل وروحى فيكى تروح – على الحجار )
( وحدانيه – انغام )
انا شخصيا باعتبره فلته من فلتات الشعر فى تاريخ الغنا فى مصر
بس للاسف وهاقولها تانى علشان احنا فى زمن بقى فى الناس بتعرف واحد زى مصطفى كامل وماتعرفشى مين هو عصام عبد الله لم ينل حظه من الشهره
على فكره هو كتب اغنيه غنتها روبى فى البومها وهى اغنيه مش هتقدر وهو كاتبها فى جلسه جمعته مع شريف صبرى من زمان ايام ما كان بيشتغلوا فى احدى الوكالات الاعلانيه وضمها شريف صبرى الى البوم روبى
واعتقد انه لو كان موجود ماكنش خلاها تغنيها
اهدته انغام البوم بتحب مين الى روحه حيث وافق سنه وفاته
المهم هو له سكه مميزه جدا فى الشعر اتعامل مع الملك فى اغانى
( ووه بابا – حتى حتى ) ( البوم الطول واللون والحريه )
( سحر المغنى – الطول واللون والحريه )(البوم الطول واللون والحريه)
( لو بطلنا نحلم نموت ) ( البوم افتح قلبك)
يمكن هما خمس اغانى بس كانوا علامات مميزه فى مشوار الملك الكبير خصوصا
(حتى حتى – لو بطلنا نحلم نموت )

الشاعر الذى انسحب منتصراً

مقال الكاتب عصام عبد العزيز فى جريده اليوم السابع

"بأكد إنى ماملكش من الأحلام
سوى الحاصل
وعارف إنى مهما أمشى
وتِطوَل سكتى
واصل
يجوز يغرق فى ليل ألمى
وأعوز أشرب دموع ندمى
لكن دايماً
ما بين حلمى وبين المستحيل
فاصل.."
هكذا تحدث عن نفسه، بل عن جيل بأكمله ولد مع الثورة وحلم معها
وانكسر معها، وقاوم مع ثورته آثار النكسة وأصر على الحلم
وتشبث به، فكان وظل عصام عبد الله فارس الأغنية المصرية وفقيدها،
رأيته فى معرض الكتاب قبل وفاته بعامين احتسينا معا كوباً واحداً من الشاى،
نظر إلى وقال ضاحكا، "مصر ولادة .. بس ساعات بتبقى بخيلة"،
(يابوى يا مصر أما الواحد بيحبك حب).

وبخلت عليه بأن يعرفه الناس كما يعرفون "المطرب العاطفى وكاب العقيد" كما قال العظيم أمل دنقل،
بخلت عليه مصر بالشهرة والتكريم والحفاوة التى يستحقها، وبخل عليه أصدقاؤه بحب كان ينتظره بشغف وليد بلقاء أمه، وبخلت عليه الدنيا سوى بالحزن والجنون.

"رقصة شهية هيا الحياة
دى العشقية والمعشقة
مرة فى مرة حلمك هواه
يملى الدنيا بالزقزقة
ويبقى الحلم صورة وصوت
لو بطلنا نحلم نموت"
تعامل دائما مع الحياة بهذا المنطق البسيط (لو بطلنا نحلم نموت) ملأ الدنيا بالعشق والحلم و"الزقزقة"، وأصر على أحلامه ليصنع لنفسه طعماً بين مئات من كتاب الأغانى، الجيد منهم مثل لؤلؤة فى بحر، نادر وعزيز.

فاستطاع أن يرسم اسمه مع مطربين صنعوا علامة وطعماً للأغنية المصرية، مثل أنغام ومحمد منير وعلى الحجار.

"حسبك شتيت العقل أشتات
وجنيتى نجوم السموات
وعديتى الحسن المسموح
لو جلتى وداع انقسم اتنين
فارس متمرد على القوانين
وكسير مسلم ما بيبوح"
لم تقل الوداع بل قالها هو، قالها على عجل، ليرحل فى مثل هذا الأسبوع وتحديداً يوم 21 مارس الموافق لعيد الأم عام 1996، تاركاً خلفه كنزاً من الكلمات والصور، ولكن أجمل ما تركه هو "مريم" ابنته وحلمه الأخير.
"بالظبط الشعر إلى بحبه
الطول واللون والحرية
ده ان هفهف على وشى فى لعبه
ها وصفلك إيه يغمى عليا"

بعض أعماله:
مع محمد منير: "ووه بابا"، "حتى .. حتى"، "لو بطلنا نحلم نموت"، "سحر المغنى"، "الطول واللون والحرية".
مع على الحجار: "فى قلب الليل"، "روحى فيك تروح".
مع أنغام: "وحدانية"، "من بعيد".
مع محمد الحلو: "يابوى يا مصر".
مع إيمان البحر درويش: "عرفتينى".

ولتسمع معى رائعته مع صوت على الحجار "قلب الليل":

"فى قلب الليل .. وعزف الصمت متهادى كموج النيل
فى قلب الليل .. وبرد الخوف بيتكتك سنان الخيل
وما فى حد فى الشارع .. سوى مهر اتربط جازع
فى شجرة صنت .. وأنا والصمت
وبرد الليل .. وخوف الليل
وصهل المهر لم أفهم .. أخوف منى أم أتعاجب
سألت المهر لم يفهم .. كلام منى ولا جاوب
وكان فى عينيه .. بريق منى .. كأنه كان بيسألنى
وقفت أنظر له ينظر لى .. وأنظر له وينظر لى
ولما صار كما خلى .. فتحنا أبواب حكاوينا
وتهنا فى أغانينا .. فى برد الليل
وخوف الليل .. وحزن الليل
وكان فى جيده قيد جارحه
وقيد فى جيدى ما لمحه
لكن حسه .. أكيد حسه
وفجأة لقينا أحلامنا .. وصهل الفجر فى عيوننا
مسكت قيوده فكيتها .. صهل بمعانى .. حسيتها
وصار يجرى .. وينسانى
وصار يجرى وينسانى .. وأنا بجرى فى طريق تاني
فى برد الليل
وخوف الليل
وحزن الليل
وبعد كتير…
فى ليل تانى
لقيته لوحده من تانى
فى جيده وإيده قيد تانى
صهل تانى..
ماردتش!
وباقى لوحدى أنا بامشي
فى برد الليل
وخوف الليل
وحزن الليل"

ومازال عصام عبد الله يمشى وحيداً فى برد الليل وخوف الليل وحزن الليل؟
حتى بعد رحيله.

الخميس، 25 مارس، 2010

تروح وترجع




تروح وترجع واحده من اخر اغانى عصام التى تم اكتشافها بعد وفاته
من غناء لطيفه فى البومها ما تروحش بعيد
من تلحين وتوزيع الموسيقار مصطفى على اسماعيل
والاغنيه على بساطه كلماتها الا انها تقطر عشقا وعذوبه
كلمات صادقه من القلب ومن الحاجات الملفته فى شعر عصام
قدرته فى التعبير عن الانثى باحاسيسها ومشاعرها
بنفس قوته تعبيره بلسان الرجل


تروح وترجع بالايام
وانت لسه زى ما انت
حلمى وحبيبى
مش حصدق نفسى تانى
لو قالتلى انك خلاص
كل مره تروح اسيبك
وابقى مش عايزاك خلاص
وتروح وترجع بالايام
وانت لسه زى ما انت
حلمى وحبيبى
ناس بتدي روحي روحها
وانت واخد روحي فيك

كل مرة تروح مشاعري
تبقى بتدور عليك

تروح وترجع بالأيام
وانت لسه زي ما أنت
حلمي وحبيبي

لتحميل الاغنيه او سماعها
اضعظ على اللينك التالى

تروح وترجع


ودعى المكان

واحده من اجمل الاغانى الهاديه او ال slow العربيه من وجهة نظرى وانا بعتبرها من الاغانى ال slowrock زى اغانى السبعينات والثمانينات المقدمه الموسيقيه للاغنيه مدخل بيانو رائع من عزف مودى ومع جيتار فى الخلفيه من عزف حسين الامام ثم ياتى صوت مودى المعبر باحساس عن الكلمات ثم اداء لحن الاغنيه بالبيانو مره اخرى الى ان ناتى بصولو جيتار موثر جدا الى نهاية الاغنيه مع وجود دوبل فوكال فى ختام الاغنيه وهو عباره عن صوتين كل صوت بيقول حاجه مختلفه عن الصوت الاخر والاتنين بيردوا على بعض وهذا الاسلوب كان يعتبر جديدا فى هذه الفتره
الاغنيه من كلمات عصام والحان وتوزيع مودى الامام وحسين الامام
وغناء مودى الامام من البومهم وماله

الاغنيه بتقول

دورى بعنيكى فى كل حته
المسى كل الحاجات
حسسى على الذكريات
رتبيها
لخبطيها
كسريها
او خديها وانتى ماشيه ودعينى ودعيها
ودعى المكان

اضحكى

ليه غريقه فى الدموع امسحيها

واضحكى

دى الحقيقه اللى كنا بندرايها

صدقينى دى النهايه مفيش رجوع

صدقينى مش حتضعفنى الدموع

المره دى خلاص محدد

المره دى من غير تراجع او تردد

اخرجى سيبى حياتى

ودعى المكان ودعى المكان

وانتى ماشيه ودعينى

ودعى ايد رقيقه يا ما كانت بتلاقيكى

ودعى روح جريئه بالامان بتلف بيكى

والنوادر والحيطان والامتزاج

واختلفنا المستخبى فى الاحتياج

اخرجى وقلبى معاكى

وابقى ردى الباب وراكى

مهما كان الوضع مؤلم

بس لازم مره نفهم

لتحميل الاغنيه او سماعها

اضغط على الرابط

عصام عبد الله ودعى المكان


الأربعاء، 10 مارس، 2010

يا بوى يا مصر



واحده من اجمل الاغانى الوطنيه بشكل عام
ومكتوبه بتلقائيه وبساطه
وبعيدا عن
الالفاظ المقعره المعتاده فى الاغانى الوطنيه
او اغانى المناسبات
الاغنيه غناها محمد الحلو
فى البومه مستحيل سنة 1984
ومن الحان
الموسيقار صاحب البصمه هانى شنوده

يابوي يا مصر اما الواحد بيحبك حب
منين ما راح البال واخد حبك فى القلب
يستجرى مين اللى يعاند
حب الوطن فى دما الواحد
ارض النفر ستره الجامد فين مهمن هب
يابوى يا مصر اما الواحد بيحبك حب
انا مصرى من ساسى لراسى
قلبى ارتوى من اخلاصى
وادينى زي بقيت ناسى
بنقول يا رب
يابوى يا مصر اما الواحد بيحبك حب
بطن الحياة حمرى جمرى
مطرح ما تسرى شباب تمرى
انا مستعد ادفع عمرى وبلادى تشب
يابوى يا مصر اما الواحد بيحبك حب
وعهد ربنا مالى نية
غير انى اخليكى هنية
وترجعى ست الدنيا
وانا قد الصعب
يابوى يا مصر اما الواحد بيحبك حب



video

الثلاثاء، 9 مارس، 2010

كان احساسى صحيح


واحده من اجمل روائع عصام عبدالله ومن اجمل اغانى البوم
على الحجار اعذرينى الاغنيه عباره عن فيلم سينما بس بالكلمات
الصوره البصريه واضحه لدرجة انك ممكن تتخيل مشاهد
الخيانه والشك والحيره واليقين والضياع والوحده
كل المعانى دى بيجسدهم الكلام كانه صوره مرئيه
ولا يمكن نسيان اللحن الرائع من الجميل خليل مصطفى
وانا عن نفسى بحب جدا خط البيزجيتار اللى فى الاغنيه
ولا يمكن المرور على العمل بدون ان تستوقفنا الشطرات
التاليه :
كان احساسى صحيح
قبلت افضل جريح
لعنتى فيا الظنون
شكيت اكون مجنون
احساسى اثبت براءته
الوفا بيخون
معدش شيئ مضمون
ده عصام ودى براعته ودقته وجملته
الدسمه العميقه

كان احساسى صحيح
ورغم دا قبلت اواجه شعورى
قبلت أءجل قرارى
قبلت افضل جريح
وكل ده
لانى كنت فى هواكى
سجين مصيرى معاكى
زى الدخان والريح
لعنتى فيا الظنون
ووقتها قدمت ليكى اعتذارى
اعلنت ليكى انكسارى
شكيت اكون مجنون
وبعدها شفتك بعينى وشفته
احساسى اثبت برءاته
وادى الوفا بيخون
دلوقت لازن اكون وحدى هنا
متفرقيش عن سواكى
كل اللى فيهم ماليكى
نفس الرتوش واللون
اما انا لابد ابدا رحيلى
ماعدش بعدك بقيلى
ماعدش شيئ مضمون

لتحميل الاغنيه او لسماعها
اضغط على الرابط التالى

عصام كان احساسى صحيح

ادينى عقلك



عصام عبد الله فى واحده من اعماله التى تعكس خفة ظله وتجديده

من حيث الموضوع والمفردات اغنية ادينى عقلك من البوم

فريق المصريين ماشيه السينوره من الحان الموسيقار هانى شنوده

ادينى عقلك

ادينا عقلك نعمل ايه

والنار بتولع منه فيه

من يوم ما شافها فى الجنينه

وعقله خلى بيه

الحب ده اصله شيئ خطير

ما هو عنده حق عقله يطير

حنسيبه قاعد فى الجنينه

ولا حنعمل ايه

ضحكت ضحكنا

وقعت صرخ اه

ندهت نده ياه

راح من ادينا

كان عمره ما شاف بنات

اتشد بحلق بانبساط

وهى عماله رزينه وبتقل عليه

قلناله يمشى قال بلاش

قلناله حاسب ما احتماش

وهى برضه مستكينه وهيمانه بيه

برد ودفا ونار

ارض وسما بحار

صعب ان نختار

راح من ايدينا

ادينا عقلك نعمل ايه

والسهم جه بالظبط فيه

كيوبيد لبدله فى الجنينه

ومنشن عليه

ادينا عقلك نعمل ايه

غرقان لشوشته فى اللى فيه

عاوز ينام جوه الجنينه

لحد ما تبقى ليه

ادينا عقلك نعمل ايه


لتحميل الاغنيه اضغظ على اللينك التالى

عايزه اصرخ



واحده من اجمل اعمال عصام عايزه اصرخ غناء سيمون
والحان وتوزيع القدير جدا الذى خسرته الاغنيه
مودى الامام فى البوم احب اقولك انتاج عام 1994
لغة عصام السحريه تبدو واضحه جدا ومفرداته وتركيباته
المعقده تطل علينا من بين السطور ولنتامل التركيبات التاليه:

صداع
ذكريات عمرى اللى
ضاع

وايضا
كبريائى بيستخبى

وكمان
خلصت اللعبه العبيطه
ولا دى
شقوق الخيانه
ويختتم بجزء جميل فى منتهى الاحساس يجمع بين الرجاء والياس
عايزه انفجر
احتمى يا رب فيك
دلوقت انا احوج
ما يمكن اليك
ويعيد نفس الشطره مع تغيير كلمة احتمى ب التجى

ودلوقت مع كلمات الاغنيه بالكامل
عايزه اصرخ

عايزه اصرخ انفجر
مش قادره اتحمل السكوت
نار بتحرق
نار يا ربى
مولعه
فى قلبى
حاموت
صداع
ذكريات عمرى
اللى ضاع
وانا فى دنيا تانيه
فى مشاعر
واندفاع
طعنه فى صميم المحبه
ليه كانى بقيت فى غربه
كبريائى بيستخبى
من الظلم
من الماضى
اللى ضاع
ليه ليه

خلصت اللعبه العبيطه
والصحاب خانوا ببساطه
يلا يا شقوق الخيانه
وهم البراءه
راح خلاص
ليه ليه

عايزه انفجر
احتمى يا رب فيك
دلوقت انا احوج
ما يمكن اليك
عايزه انفجر
التجى يا رب ليك
دلوقت انا احوج
ما يمكن اليك
ارجوك ساعدنى
ارجوك ساعدنى
ارجوك

لتحميل الاغنيه او الاستماع اليها
اضغط على اللينك التالى

عايزه اصرخ

الأحد، 7 مارس، 2010

وحدانيه





عصام عبد الله فى درس مجانى لجميع الشعراء فى حرفية
الكتابه باللغه الشعبيه سواء فلاحى او صعيدى
رائعة وحدانيه من كلمات عصام والحان الموسيقار
المحترم المعتبر ايضا امير عبد المجيد وتوزيع فهد
وغناء الحساسه انغام اللى كانت من اصدقاء عصام

وحدانيه
قاللى يا ام رشرش حرير شنكله احمر
و الشعر خيلى سواده ليلى طويل مضفر
و القصه حارده على حواجب ماللى تسحر
خايله لحديت فروق راسك يا عيوجيه
و ان كان عليا مالبس سوا اللى يدارى همى
دانا وحدانيه ما مسح دموعى غير طرف كمى
مال الحديت ده بس بيا مال الحديت ده بس بيا
قاللى ايديكى معالج زان زانها العنادى
فوق المقصب الروميه و تحته وادى
حطه المشخلع و الكردان على حسن هادى
شوفوا الجدعان اللتاتين اللى حواليه
قاللى يا عجبانه
الود ودى انقشك حنه
يا ام الجبين الابيض يا عايجه
يا تمر حنه
بكرة عرب خللى البنادره مرياحنه
اه يا خويا صادق بس فوتنى باللى بيا

لتحميل الاغنيه اضغط على اللينك التالى

انغام وحدانيه

روحى فيكى تروح


روحى فيكى تروح واحده ما اروع ما كتب عصام
ممكن نعتبرها مكتوبه بما يعرف باللغه البيضاء بمعنى
انه من الصعب تحديد هوية الاغنيه او تحديد هى بتنتمى
لاى مكان وعصام فى السكه دى من التفردين ولا ننسى
ذكر صديق عصام الموسيقار الرائع كامل الشريف
رحمه الله صاحب اللحن والتوزيع اللى اضاف للكلمات بعد تانى


روحي فيكي تروح
قبل أما تدب خطاكي بأدوب
و أتحرق م الشوق الملهوب
و أتوجع كالفهد المجروح
وما إن يتبدى لي محياكي
و أدوق الرحمة بنبع هواكي
بساتين الفردوس تلوح
روحي فيكي تروح
دوح .. جميل الروح
حسبك شتيتي العقل أشتات
و جنيتي نجوم السماوات
و عديتي الحسن المسموح
إن قلت وداع أنقسم اتنين
فارس متمرد ع القوانين
و كسير مسلم ما بيبوح
روحي فيكي تروح
دوح .. جميل الروح
ولهان في موجاتك سبحان
محاوطني المي و ظمآن
رويني للشوق ينوح
روحينا من بين الأرواح
بيتلاقوا صافيين ملاح
بفردوس العشق المفتوح

لتحميل الاغنيه او سماعها
اضغط اللينك التالى

روحي فيكي تروح

فى قلب الليل





فى قلب الليل اسم الاغنيه الاشهر فى تاريخ
عصام عبد الله وايضا تاريخ على الحجار

يحتوى الالبوم على باقه من اروع ما كتب
عصام فبجانب فى قلب الليل اغنية روحى

وحكى لى صديق مقرب من عصام على
ان فى قلب الليل اغنيه حقيقيه حدثت احداثها

مع عصام وطبعا هو عبر بطريقته عن الموقف
واستبدل الفتاه صاحبة الموقف بفكرة

المهر التائه وكلمات الاغنيه كتبها
عصام باحساسه ومشاعره بعيدا
عن الحرفيه والصنعه

اما العامل التانى فى نجاح العمل فكان
موسيقى ولحن وتوزيع مودى الامام
رفيق درب عصام

وانا بعتبر هذا العمل من اروع ما قدمته
الاغنيه الحديثه من السبعينيات الى الان




في قلب الليل
و عزف الصمت متهادي
كموج النيل
في قلب الليل
وبرد الخوف بيتكتك سنان الخيل
وما في حد في الشارع
سوى مهر اتربط جازع
وشجرة صنت
وأنا…والصمت
وبرد الليل
وخوف الليل

وصهل المهر لم أفهم
أخوف مني أم إتعاجب
سألت المهر لم يفهم
كلام مني و لا جاوب

وكان في عينيه
بريق مني
كأنه كان بيسألني

وقفت أنظر له ينظرلي
وأنظر له و ينظرلي
ولما صار كما خلي
فتحنا ابواب حكاوينا
وتهنا في أغانينا
في برد الليل
وخوف الليل
و حزن الليل

وكان في جيده قيد جارحه
وقيد في جيدي ما لمحه
لكن حسه
أكيد حسه

وفجأة لقيناأحلامنا
وصهل الفجر في عيوننا
مسكت قيوده فكيتها
صهل بمعاني…حسيتها
وصار يجري
و ينساني
و صار يجري و ينساني
وأنا بجري
في طريق تاني
في برد الليل
وخوف الليل
وحزن الليل

وبعد كتير..في ليل تاني
لقيته لوحده من تاني
في جيده يقيده قيد تاني
صهل تاني
ماردتشي!
وباقي لوحدي انا بامشي
في برد الليل
و خوف الليل
و حزن الليل

لتحميل الاغنيه او سماعها اضغط اللينك التالى

فى قلب الليل

كليب وماله




كليب وماله من كلمات عصام عبد الله
والحان وغناء حسين الامام ومودى الامام
الكلمات هنا فى منتهى البساطه
ولا تخلو من الطرافه ايضا
الاغنيه من البوم حسين ومودى الامام وماله
من انتاج صوت الدلتا




وماله

وحتتعدل مهما تطول

عمر ما شيئ يثبت على حاله

وماله يا سيدى وماله

وماله عمر ما شيئ يثبت على حاله

مهمن عملوا ومهمن قالوا

وماله وماله

طلعت نزلت

شافت عميت

طول ماللقمه عرقها حلال

وماله

طول ما الصحه مكن وعال

وماله يا سيدى وماله

وماله يا سيدى وماله

قبت طبت

فطت عدت

طول ما فى قلبك حسن الفال

وماله

طول ما الصدق معاك جوال

وماله وماله يا سيدى وماله

عمر ما شيئ يثبت على حاله

مهما عملوا مهما قالوا

وحتتعدل مهما تطول

عمر ما شي يثبت على حاله

وماله

طلعت نزلت

شافت عميت

طبت قبت

فطت عدت

شفطت نطرت

قامت قعدت

سخنت بردت

ضحكت زعلت

عمر ما شيئ يثبت على حاله

مهما عملوا ومهما قالوا

وماله



video

لو بطلنا نحلم



واحده من اكبر نجاحات عصام عبد الله ومحمد منير وجملة
( لو بطلنا نحلم نموت ) بقت ماركه مسجله يعنى عنوان لبرنامج واسم موقع على النت واكيد ممكن نلاقيها على التيشرتات الاغنيه محرضه على التفاءل والمواجهه والتحدى ولا ننسى الملحن الجميل مصطفى على اسماعيل ابن الموسيقار والموزع العالمى على اسماعيل والشاعره نبيله قنديل


لو بطلنا نحلم نموت
لو بطلنا نحلم نموت
لو عاندنا نقدر نفوت

لو عدينا مرة خلاص لو
ردينا ضاع الخلاص

حبة صبر حبة حماس
يبقى الحلم صورة وصوت

لو بطلنا نحلم نموت
حضن فى غربة ملمس مثير
بعد مشاغبة هترقلك
مرة فى مرة حاول كتير
اى مغامرة راح تنفعك
وقت الحلم وقتة فى سكوت
لو بطلنا نحلم نموت
رقصة شهية هية الحياة
دى العشقية والمعشقة
مرة فى مرة حلمك هواة
يملى الدنيا بلزقزقة
ويبقى الحلم صورة وصوت
لو بطلنا نحلم نموت

لسماع الاغنيه او تحميلها اضغط على اللينك التالى

لو بطلنا نحلم

الطول واللون والحريه


الطول واللون والحريه ورائعه من روائع

الشاعر الفنان عصام عبد الله وغناء منير

فى احدى محطاته الفنيه المميزه

اذكر عندما اعلن منير عن نزول الالبوم

الذى يحمل نفس الاسم كنت فى منتهى الدهشه

معقول اسم البوم يكون الطول واللون والحريه

معقول الكلمات دى تركب فى جمله ليها معنى مفيد

هل هى اغنيه وطنيه كل الاسئله دى اجابتها

كانت فى كلمات عصام الرائعه المتدفقه وطبعا الاغنيه تفصيل

على منير ولا ننسى اللحن المميز لمصطفى على اسماعيل

والتوزيع الاكتر من رائع ل اشرف محروس


لسماع الاغنيه او تحميلها اضغط على اللينك التالى

سحر المغنى




عصام عبد الله وسحر المغنى بصوت منير واميره دويتو رائعه من اعمال عصام عبد الله النادره الكلام هنا كلام عام مش عن حب وهجر او فراق زى كل اغانى اليومين دول بتتكلم عن المغنى وتاثيره فى الناس وفى الوجود اغنيه كلها تفاءل وحب من الحان الحاج احمد منيب رحمه الله وتوزيع الثنائى احمد الناصر وعمر ابو ذكرى


سحر المغنى
سحر المغنى في قلبه جمعنا روح بتغني لروح
نور مشاعرنا لحن واخدنا واحنا معاه بنروح
لما نغني سوا بنحني حلم مداه مفتوح
واحنا معاه بنروح
على كيفك على كيفك همس الكلام واصل
فبن روحك مع روحِك عمر الغنى مواصل
يفرح يقوم ضاحك يحلم يكون فالك
روح الغنى احنا واحنا الغنى روحنا
دي ملاعبة دي مصاحبة انا في الغنى الرايق
اه يا ليلي اه يا عيني صحبة وانا عاشق
من القلب شوق طارح
هو النغم سارح كل الوجود غنى كأنها جنة
سحر المغنى في قلبه جمعنا
روح بتغني لروح نور مشاعرنا لحن واخدنا
واحنا معاه بنروح لما نغني سوا بنحني
حلم مداه مفتوح واحنا معاه بنروح

لسماع الاغنيه او تحميلها اضغط على اللينك التالى

سحر المغنى